ອົງກອນນາຊ້າ ໄດ້ຖະແຫລງຜົນສຳຫລວດຂອງຍານ" ຄິວລີອໍຊີຕີ້"

ຍານ" ຄິວລີອໍຊີຕີ້" ທີ່ໄດ້ປະຕິບັດໜ້າທີ່ເທິງດາວອັງຄານເປັນເວລາ 7 ເດືອນວ່າຕົວຢ່າງຫິນທີ່ຍານ ສຳຫລວດເຈາະຂື້ນມາທີ່ບໍລິເວນພື້ນທີ່ສຳຫລວດນັ້ນ ມີສັນຍານບົ່ງບອກວ່າເຄິ່ງໜຶ່ງຂອງດາວເຄາະ ເພື່ອນບ້ານດວງນີ້ອາດເຄີຍມີຈຸລິນຊີດຳລົງຊີວິດຢູ່.ສເປຊດ໊ອດຄອມລາຍງານວ່າ ອົງການບໍລິຫານການບິນອະວະ ກາດຂອງສະຫະລັດ(ນາຊາ) ໄດ້ປະກາດອອກມາວ່າຕົວຢ່າງຫິນດາວອັງຄານທີ່ຍານ ຄິວລີອໍຊີຕີ້(Curiosity rover) ເຈາະມາວິເຄາະດ້ວຍອຸປະກອນວິທະຍາສາດທີ່ຕິດຕັ້ງຢູ່ພາຍໃນທີ່ສຳຫລວດເຄື່ອນທີ່ນັ້ນ ເຊື່ອວ່າ ໃນອະດີດຂອງດາວອັງຄານນັ້ນອາດ ມີຜົນຕໍ່ການດຳລົງຊີບຂອງຈຸລິນຊີ.ການສຳຫລວດດັ່ງກ່າວເປັນຜົນ ລາຍງານຂອງຍານ ຄິວລີອໍຊີຕີ້ ທີ່ລົງຈອດເທິງດາວອັງຄານໄດ້ປະມານ 7 ເດືອນແລ້ວ ຈະມີພາລະກິດປະ ຕິບັດໜ້າທີ່ອີກຢ່າງໜ້ອຍ 2 ປີ ເພື່ອຫາຄຳຕອບວ່າ ດາວເຄາະທີ່ຢູ່ຖັດອອກໄປຈາກໂລກນັ້ນເຄີຍມີສະພາບທີ່ມີຜົນ

ຕໍ່ການດຳລົງຊີວິດຂອງ "ຊີວິດດຶກດຳບັນ" (primitive life) ຫລືບໍ່ຄຳຖາມທີ່ສຳຄັນຂອງປະຕິບັດການນີ້ຄື: ດາວອັງຄານນີ້ເຄີຍມີສະພາບແວດລ້ອມທີ່ສິ່ງທີ່ມີຊີວິດອາໄສຢູ່ໄດ້ ຫລືບໍ່ຈາກຂໍ້ມູນທັງໝົດ ທີ່ເຮົາຮູ້ຕອນນີ້ຄື: ອາໄສຢູ່ໄດ້ “ ໄມເຄີ້ນ ເມເຢີ້ (Michael Meyer) ນັກວິທະຍາສາດຫົວໜ້າທິມຈາກໂຄງການສຳຫລວດ ດາວອັງຄານຂອງນາຊ້າ ກ່າວໄວ້ທີ່ສຳນັກງານໃຫຍ່ໃນວໍຊິງຕັ້ນ.

ເມື່ອ ວັນທີ 8 ກຸມພາ ທີ່ຜ່ານມາຍານ ຄິວລີອໍຊີຕີ້ ໄດ້ຂຸດເຈາະລົງໄປເທິງໂນນຫິນທີ່ຖືກຕັ້ງຊື່ວ່າ: ຈອນ ເກຣນ

(John klein) ຕາມຊື່ນັກວິທະຍາສາດທີ່ສຳຄັນຂອງນາຊ້າ ດ້ວຍຄວາມເລິກ 6.4 cm  ດ້ວຍອຸປະກອນຂຸດ ເຈາະທີ່ເຊື່ອມເຂົ້າກັບແຂນເຄື່ອງຈັກ ແລະ ນັບເປັນຄວາມລຶກທີ່ສຸດເທົ່າທີ່ເຄີຍມີຫຸ່ນຍົນຂຸດສຳຫລວດພື້ນຜິວ ດາວອັງຄານ.

ຈາກນັ້ນອີກ 2 ອາທິດ ຄິວລີອໍຊີຕີ້ ໄດ້ໃສ່ຕົວຢ່າງທີ່ຖືກບົດເປັນຜົງສີເທົາເຂົ້າໄປໃນອຸປະກອນທົດລອງ ວິທະຍາ

ສາດ 2 ຢ່າງທີ່ຕິດຕັ້ງຢູ່ໃນຕົວຍານ ນັ້ນຄື: (CheMin: Chemistry and Mineralogy) ແລະ ເຄື່ອງແຊມ

(SAM: Sample Analysis at Mars) ເຊີ່ງອຸປະກອນທັງ 2ເຄື່ອງຈະວິເຄາະຫາອົງປະກອບທາງເຄມີທີ່ສຳ ຄັນຕໍ່ສິ່ງທີ່ມີຊີວິດ ໃນຕົວຢ່າງຜົງດັ່ງກ່າວ ເຊີ່ງປະກອບດ້ວຍ ຊັນເຟີ ໄນໂຕເຈນ ໄຮໂດຣເຈນ ຟົສຟໍລັດ ແລະ ກາກບອນຕົວຢ່າງຈາກຫິນ ຈອນແກຣນນີ້ຍັງມີແຮ່ດິນ ເຊິ່ງບົ່ງບອກວ່າ ເມື່ອນານມາແລ້ວດາວອັງຄານເຄີຍມີສະ ພາບແວດລ້ອມທີ່ມີນ້ຳ ເຊີ່ງເຄັມ ແລະ ມີສະພາບກົດດ່າງປານກາງເຊີ່ງນັກວິໄຈກ່າວວ່າເປັນລັກສະນະຂອງພື້ນ ທີ່ເຊີ່ງໜ້າຈະອາໄສຢູ່ໄດ້ ແຕ່ການວິເຄາະຫາຕົວຢ່າງດັ່ງກ່າວກໍ່ຂ້ອນຂ້າງຫຍຸ້ງຍາກ ອັນເປັນຜົນມາຈາກ ຄວາມບົກຜ່ອງເລັກໜ້ອຍໃນຄອມພິວເຕີ້ ຂອງຄິວລີອໍຊີຕີ້. ເຊີ່ງເມື່ອທ້າຍເດືອນກຸມພາ ມີການປະເມີນວ່າ ມີຄວາມບົກຜ່ອງຕໍ່ລະບົບຄວາມຈຳແບບແຟຣຊ ໃນຄອມພິວເຕີ້ຫລັກຂອງຍານ ທຳໃຫ້ຕ້ອງປ່ຽນໄປໃຊ້ຄອມພິວ ເຕີ້ສຳຮອງ ແລະ ເຂົ້າສູ່ພາວະ “ ເຊຟໂໝດ” ເມື່ອ ວັນທີ 28 ກຸມພາ ແລ້ວຟື້ນເຂົ້າມາທຳງານຕາມ ປົກກະຕິເມື່ອ 2 ມີນາ . ເຊີ່ງທິມງານລະບຸວ່າ ຄອມພິວເຕີ້ສຳຮອງທຳງານໄດ້ດີ.

ຄິວລີອໍຊີຕີ້ ລົງຈອດເທິງດາວອັງຄານທີ່ຫລຸມອຸກາບາດເກລ (Gale Crater) ຂະໜາດໃຫຍ່ເມື່ອ ວັນທີ 5 ສິງຫາ2012 ແລະ ເລີ່ມຕົ້ນ ພາລະກິດທີ່ມີໄລຍະເວລາຍາວ 2 ປີ ເພື່ອໄຂ ຄຳຕອບວ່າ: ດາວດວງນັ້ນມີສະ ພາບທີ່ມີຜົນຕໍ່ການດຳລົງຊີວິດຂອງຈຸລິນຊີ ຫລືບໍ່ ແລະ ເຄື່ອງເຄມິນກັບແຊມກໍ່ເປັນພຽງ 2 ໃນ 10ອຸປະກອນ ວິທະຍາສາດທີ່ຈະຊ່ວຍ ຄິວລີອໍຊີຕີ້ ຫາຄຳຕອບດັ່ງກ່າວ.