ພົບລະບົບ GPS ໃນສະຫມອງ

ທ່ານອາດຍັງບໍ່ທັນຮູ້ວ່າສະຫມອງກໍ່ມີລະບົບທີ່ຊ່ວຍລະບຸວ່າຕົນເອງຢູ່ໃສ ຄ້າຍໆລະບົບຂອງ GPS (Gobal positioning system) ທີ່ຊ່ວຍໃຫ້ເຮົາຮູ້ວ່າຕົນເອງຢູ່ໃສ

ການສຶກສາທີ່ຈັດໂດຍມະຫາວິທະຍາໄລປີນຕັນ ໄດ້ລະບຸວ່າສະຫມອງກໍ່ມີພຶດຕິກຳລະບຸຕໍາແຫນ່ງຂອງຕົນເອງໄດ້ເຊັ່ນກັນ ດ້ວຍເສັ້ນປະສາດຫນ່ວຍລະບຸຕໍາແຫນ່ງບາງສ່ວນ ຫລື ເອີ້ນວ່າ ກຣິດເຊລ ຈະຊ່ວຍກັນລະບຸຕໍາແຫນ່ງໃຫ້ຮ່າງກາຍຮັບຮູ້

ກຣິດເຊລເປັນເປັນເຊລປະສາດທີ່ຈະທີສັນຍານໄຟຟ້າເປັນບວກຖ້າສັດເຄື່ອນທີ່ເຂົ້າໄປໃນສິ່ງແວດລ້ອມທີ່ຄຸ້ນເຄີຍເສັ້ນປະ ສາດກຸ່ມນີ້ຈະສ້າງການແທນພື້ນທີ່ເຂົ້າມາດ້ວຍກັນເພື່ອ ເຮັດໃຫ້ສັດສາມາດຮູ້ຕໍ່າແຫນ່ງຂອງຕົນເອງໄດ້

ນັກວິທະຍາສາດສາມາດພິສູດໄດ້ໂດຍການທົດລອງວັດສັນຍານໄຟຟ້າໃນຫນູ ທີ່ເຄືອນທີ່ໃນສິ່ງແວດລ້ອມທີທາງຫ້ອງແລບ ສ້າງຂື້ນມາຈະເຫັນວ່າມີຄື່ນໄຟຟາຈາກສະຫມອງສູງຂື້ນເມື່ອຫນູໄປເຖິງຈຸດຕ່າງໆທີ່ກໍານົດໄວ້ ແລະ ຫລຸດລົງເມື່ອສັດຫນີ ໄປຈາກຈຸດນັ້ນ

ອ້າງອີງ ແລະ ລາຍລະອຽດເພີ່ມເຕີມ:

Princeton University (2013, March 6). Researchers discover workings of brain's 'GPS system'. ScienceDaily. Retrieved March 11, 2013, from http://www.sciencedaily.com/releases/2013/03/130307110720.htm

งานวิจัย: Cristina Domnisoru, Amina A. Kinkhabwala, David W. Tank. Membrane potential dynamics of grid cells. Nature, 2013; DOI: 10.1038/nature11973

ນັກວິໄຈໄດ້ດັດແປງ E.COLI ໃຫ້ມາມາດຜະລິດນ້ຳມັນໄດ້

ນັກວິທະຍາສາດໄດ້ທຳການດັດແປງພັນທຸກຳຂອງແບັກທີເຣຍທີ່ເຮົາຮູ້ຈັກກັນເປັນຢ່າງດີໃນຊື່ຂອງ E.coli ເຊິ່ງແຕ່ກ່ອນເປັນ ແບັກທີເຣຍທີ່ພາໃຫ້ເກີດອາການຖອກທ້ອງ ໃຫ້ສາມາດຜະລິດນ້ຳມັນເຊືອໄຟໄດ້

ສາສະດາຈານ ຈອນ ເລີຟ໌ ເປັນນັກຊີວະວິທະຍາການສັງເຄາະ (Syntheitc biologist) ຈາກວິທະຍາໄລ Exeter ກ່າວວ່າ “ແທນທີ່ເຮົາຈະສ້າງພະລັງງານທາງເລືອກຈຳພວກເຊື້ອເພີງຊີວະພາບ (biofuel) ແຕ່ເຮົາກັບສ້າງແຫຼ່ງ ເຊື້ອເພີງຈາກຊາກດຶກດຳ ບັນແທນ ແລະ ດ້ວຍວິທີການດຽວກັນນີ້ ບໍ່ວ່າຈະເປັນຜູ້ຜະລິດລົດຍົນ, ຜູ້ໃຊ້ລົດ ລວມໄປ ເຖິງຜູ້ຄ້ານ້ຳມັນຍ່ອຍ ຈະເຫັນ ເຖິງຄວາມແຕກຕ່າງຂອງນ້ຳມັນ ແລະ ມັນກໍ່ຈະການເປັນສ່ວນໜຶ່ງຂອງຂະບວນການ ຜະລິດນ້ຳມັນອີກດ້ວຍ”.

ໃນຍຸກປະຈຸບັນ ແມ່ນໄດ້ມີການຜັກດັນໃຫ້ໃຊ້ພະລັງງານທົດແທນ/ເຊື້ອເພີງຊີວະພາບຫຼາຍຂື້ນ ໃນຢູໂຣບໄດ້ຕັ້ງເປົ້າ ໄວ້ວ່າ ໃນປີ 2020 ການຂົນສົ່ງພາກພື້ນຮ້ອຍລະ 10 ຂອງຢູໂຣບຈະໃຊ້ພະລັງງານທົດແທນຈາກພືດ ແຕ່ໃນປະຈຸບັນ ພະລັງງານທົດແທນຈຳພວກໄບໂອດີເຊວ ໄປໂອເອທານອລນັ້ນບໍ່ສາມາດໃຊ້ກັບເຄື່ອງຍົນສະໄໝໃໝ່ໄດ້ ກ່ອນຈະນຳ ໄປໃຊ້ຈຶ່ງຕ້ອງໄດ້ມີການນຳໄປປະຍຸກໃໝ່ ໂດຍການນຳໃຊ້ພະລັງງານທົດແທນເຫຼົ່ານັ້ນປະມານ 5-10% ມາປະສົມເຂົ້າ ກັບນ້ຳມັນ ປີໂຕຼຊຽມ ເສັຍກ່ອນຈິ່ງສາມາດນຳໄປໃຊ້ງານໄດ້ ແຕ່ເຊື້ອເພີງທີ່ E.coli ນີ້ຜະລິດ ສາມດນຳໄປໃຊ້ໄດ້ ທັນທີ

ສະດາຈານ ເລີຟ໌ ໄດ້ອະທິບາຍວ່າ “ຜົນງານວິໄຈໃນຄັ້ງນີ້ ເປັນການຜະລິດເຊື້ອເພີງທີ່ຕົງກັບຄວາມຕ້ອງການຂອງ ຕະຫຼາດ ແລະ ສາມາດໃຊ້ໄດ້ກັບເຄື່ອງຍົນຍຸກໃໝ່ ທັງຍັງມີອົງປະກອບຂອງສານທີ່ຕົງກັບຄວາມຕ້ອງການທຸກຢ່າງ ແລະ ທີ່ສຳຄັນແມ່ນ ສາມາດເປັນເຊື້ອເພີງຊະນິດ bio-fossil ຢ່າງທີ່ໂລກກຳລັງຕ້ອງການອີກດ້ວຍ”.

ໃນການຜະລິດເຊືອເພີງຊະນິດນີ້ ນັກວິໄຈໄດ້ແບັກທີເຣຍສາຍພັນ E.coli ມາດັດແປງພັນທຸກຳໃຫ້ສາມາດປ່ຽນນ້ຳຕານ ເປັນ ໂມເລລກຸນເຊື້ອເພີງສັງເຄາະ ແທນທີ່ຈະປ່ຽນໄປເປັນໄຂມັນ ດ້ວຍການຕັດຕໍ່ຢືນຂອງແບັກທີເຣຍນີ້ເອງ ເຮັດໃຫ້ສາ ມາດສ້າງ ແບັກທີເຣຍ ທີ່ສາມາດຜະລິດເຊືອເພີງໄດ້ ແຕ່ປະລິມານການຜະລິດທີ່ໄດ້ນັ້ນ ບໍພຽງພໍກັບການທີ່ຈະນຳໄປ ໃຊ້ໃນຕົວຈິງ

ສາສະດາຈານ ເລີຟ໌ ກ່າວວ່າ “ໃນອານາຄົດ ເຮົາຈະສາມາດຜະລິດເຊື້ອເພີງ 100 ລິດ ຈາກການໃຊ້ແບັກທີເຣຍພຽງ 1 ບ່ວງກາເຟ ຊຶ່ງຈະນຳໄປສູ່ການຜະລິດເຊື້ອເພີງໃນລະດັບອຸດສາຫະກຳ ຊື່ງໃນຕອນນີ້ ພວກເຮົາຕ້ອງການເວລາ 3-5 ປີ ໃນການພັດທະນາກຳລັງການຜະລິດ ແລະ ຍັງຕ້ອງພິຈາລະນາໃນແງ່ຂອງຄວາມຄຸ້ມຄ່າໃນການທີ່ຈະດຳເນີນການຕໍ່ໄປ ຫຼືບໍ່ ໃນ ຂະນະດຽວກັນ ນັກວິໄຈຄົນອື່ນໆກໍ່ກຳລັງຊອກຫາ ແບັກທີເຣຍ ທີ່ຈະສາມາດໃຊ້ສ່ວນໃດກໍ່ໄດ້ມາເປັນສານທີ່ເຮັດໃຫ້ກາຍ ເປັນເຊື້ອເພີງໄດ້ອີກດ້ວຍ. 

Credit: Sone Pms  ຫມູ່ຈາກເຟສບຸກ

Tag: ຊີວະສາດ, ທົ່ວໄປ, ວິທະຍາສາດ, ເຕັກໂນໂລຢີ, ເຕັກໂນໂລຢີວີວະພາບ

ອ້າງອີງຈາກ http://www.bbc.co.uk/news/science-environment-22253746

LG ຕຽມເຮັດໂທລະສັບມືຖືໂຄ້ງງໍໄດ້

ບໍລິສັດ LG ເຊິ່ງເປັນບໍລິສັດຍັກໃຫຍ່ດ້ານເຄື່ອງໄຟຟ້າ ຕຽມທີ່ຈະເຮັດໂທລະສັບມືຖືໂຄ້ງງໍໄດ້ OLED ທີ່ກໍາລັງເປັນທີ່ຕ້ອງ ຕາຕ້ອງໃຈຂອງບັນດາບໍລິສັດມືຖືທົ່ວໂລກ ເຊິ່ງທາງ LG ເຄີຍປະກາດໂທລະທັດຈໍໂຄ້ງງໍມາແລ້ວແຕ່ວ່າບໍ່ທັນປະສົບຜົນສຳ ເລັດເທົ່າທີ່ຄວນ ແຕ່ແນວໃດກໍ່ຕາມປະທານຂອງບໍລິກ່າວວ່າຈະພະຍາຍາມຜັກດັນໂທສະວສັບໂຄ້ງງໍນີ້ອອກມາໃຫ້ໄດ້ໃນ ທ້າຍປີ 2013 ແລະ ຕະຫລາດໃນຊ່ວງນັ້ນຄົງຈະໃຫ້ຕອບຮັບໂທລະສັບແບບນີ້ເປັນຢ່າງດີ.

ການມາເຖິງຂອງຈໍໂທລະສັບແບບໂຄ້ງງໍຈະມອບປະສົບການໃຊ້ແບບໃຫມ່ໃຫ້ແກ່ລູກຄ້າທັງເລື່ອງຄວາມທົນທານ ແລະ ລູກ ຫລີ້ນຕ່າງ. ຄົງຕ້ອງຕິດຕາມກັນຕໍ່ໄປວ່າອະນາຄົດຂອງ LG ຈະເປັນແນວໃດ


ແຫ່ລງຂ່າວ: www.arip.co.th

ເປັນເລື່ອງ: ເມື່ອນັກວິໃຈພົບວ່າໄຂ້ຫວັດນົກທີ່ພົບໃນຈີນນັ້ນສາມາດກາຍພັນໄດ້

ຈາກການວິເຄາະພັນທຸກໍາຂອງໄຂ້ຫວັດນົກທີ່ພົບທີ່ພາໃຫ້ມີຜູ້ເສຍຊີວິດແລ້ວ 9 ຄົນໃນຈີນ ພົບວ່າໄວຣັດກໍາລັງປັບຕົວໃຫ້ເຂົ້າ  ກັບເຊລຂອງມະນຸດ ເຊິ່ງໃຫ້ຫລາຍຝ່າຍກັງວົນ ເນື່ອງຈາກຢ້ານມັນຈະລະບາດມາສູ່ຄົນ

ງານວິໃຈຄັ້ງນີ້ ນໍາໂດຍ ທ່ານ ມາຊາໂຕະ ທາຊິໂຣ່ ແຫ່ງສູນວິໃຈໄຂ້ຫວັດໃຫຍ່ ສະຖາບັນໂລກຕິດເຊື້ອແຫ່ງຊາດ ແລະ ທ່ານ ໂຢຊິຮີໂຣ ຄາວາໂອະກິ ແຫ່ງມະຫາວິທະຍາໄລໂຕກຽວ. ໂດຍທິມວິໃຈໄດ້ສືກສາລໍາດັບຂອງຢີນ H7N9  ທີ່ໄດ້ມາຈາກຜູ້ປ່ວຍ 4 ລາຍ, ຈາກນົກ, ແລະ ຈາກສະພາບແວດຂອງຕະຫລາດໃນນະຄອນຊຽງໄຮ.

"ໄວຣັດທີ່ໄດ້ມາຈາກມະນຸດມີການກາຍພັນຂອງເຊລໂປຣຕິນທີ່ເຮັດໃຫ້ສາມາດເຕີບໂຕໃນເຊລຂອງມະນຸດໄດ້ ແຕ່ຕົວຢ່າງ ຈາກນົກ ແລະ ສິ່ງແວດລ້ອມບໍ່ມີການກາຍພັນດັ່ງກ່າວ. ການກາຍພັນນີ້ຈະເຮັດໃຫ້ໄວຣັດສາມາດເຕີບໂຕໃນອຸນນະພູມ ທີ່ສອດຄ່ອງກັບລະບົບຫາຍໃຈ ເຊິ່ງຕໍ່າກວ່າອຸນນພູມໃນຮ່າງກາຍນົກ" ທ່ານ ຄາວາໂອະ ຜູ້ຊ່ຽວຊານດ້ານໄຂ້ຫວັດນົກກ່າວ ມາແນວນັ້ນ

ການສຶກສາຄັ້ງໄດ້ປຽບທຽບຂໍ້ມູນຢີນທີ່ໄດ້ເກັບໄວ້ໃນຖານຂໍ້ມູນຂອງນາໆຊາດເຮັດໃຫ້ສາມາຮູ້ຮ່ອງການພັດທະນາຂອງ ໂມລິກຸນ ແລະ ຢີນເຊິ່ງປະໂຫຍດໃນການຫາທາງປ້ອງກັນ ແລະ ສ້າງວັກຊິນສໍາລັບໄວຣັດຊະນິດນີ້

ແຕ່ເຖິງວ່າໄວຣັດຈະຮ້າຍແຮງພຽງໃດນັ້ນກໍ່ຂື້ນກັບຄວາມສາມາດໃນການປັບຕົວ ແລະ ສັ່ງການແຊລສິ່ງທີ່ມີຊີວິດມັນເຂົ້າ ໄປອາໃສເພື່ອຂະຫຍາຍພັນນັ້ນໄດ້ດີສໍ່າໃດ. ແຕ່ໄຂ້ຫວັດນົກສ່ວນໃຫຍ່ນັ້ນຈະບໍ່ສາມາດຕິດຕໍ່ສູ່ຄົນໄດ້ຢ່າງງ່າຍ ແຕ່ຍ້ອນ ບາງຄັ້ງມັນ ສາມາດປັບຕົວເຂົ້າສູ່ຄົນ ແລະ ເຮັດເກີດອັນຕະລາຍດ້ານອື່ນໆແທນ

ໄວຣັດສ່ວນໃຫຍ່ທີ່ໃຊ້ໃນການສືກສາຄັ້ງນີ້ທັງຈາກນົກ ແລະ ຄົນນັ້ນຈະມີການກາຍພັນທີ່ຜິວຂອງໂປຣຕີນ hemmaglutinin   ເຊິ່ງເຊື່ອໂຣກໃຊ້ໃນການຈັບເຂົ້າກັບເຊລໂຮສ ທີ່ມັນອາໃສຢູ່ ເຊິງການກາຍພັນນີ້ຈະເຮັດໃຫ້ມັນສາມາດຕິດເຊື້ອສູ່ມະນຸດໄດ້ ງ່າຍ.

ທີ່ມາ: http://vcharkarn.com

ອ້າງອີງ: University of Wisconsin-Madison (2013, April 12). Could new flu spark global flu pandemic? New bird flu strain seen adapting to mammals, humans. ScienceDaily. Retrieved April 14, 2013, from http://www.sciencedaily.com/releases/2013/04/130412192402.htm

ປຸກຊີບຊ້າງແມມມອດ ທີ່ສູນພັນໄປຫລາຍກວ່າຫ້າພັນປີ

ຫລາຍຄົນຄົງໄດ້ເຄີຍເຫັນຊ້າງແມັມມອດຊ້າງໃຫຍ່ບູຮານ  ທີ່ມີງາໂຄ້ງຍາວ ໃນຫນັງຕ່າງໆກັນມາແລ້ວ. ບັດນີ້ຊ້າງດັ່ງກ່າວ ກໍາລັງຈະຖືກປຸກຊີບຂື້ນມາອີກຄັ້ງ ໂດຍຄວາມພະຍາຍາມຂອງນັກວິທະຍາສາດຊາວເກົາຫລີ Hwang Woo suk ຜູ້ມີຊື່ ສຽງດ້ານການປູກຖ່າຍພັນທຸກໍາ, ໂຄນນີ່ງ

ສຳນັກຂ່າວຕ່າງປະເທດລາຍງານວ່າ ນັກວິທະຍາສາດຄົນດັ່ງກ່າວເຊິ່ງມາຈາກສະຖາບັນ South Korea’s Sooam Biotech Research Foundation ຈາກເກົາຫລີໄຕ້ທີ່ເຄີຍມີຊື່ສຽງໂດງດັງຈາກ ສາມາດຜະລິດ stem cell ຂອງມະນຸດໄດ້ໃນປີ 2006. ກຳລັງຈະໃຊ້ຄວາມຊ່ຽວຊານຂອງເຂົາໃນການຖ່າຍໂອນພັນທຸກຳຂອງຊ້າງແມມມອດທີ່ຖືກແຊ່ແຂງໃນນໍ້າແຂງເປັນເວລາຫລາຍພັນປີ ໃນເຂດໄຊບີເຣຍຂອງປະເທດລັດເຊຍ  ໂດຍລາຍງານກ່າວວ່າເຂົາໄດ້ລົງນາມກັບມະຫາວິທະຍາໄລສະຫະພັນ ລັດ ຕາເວັນອອກສ່ຽງເຫນືອຂອງປະເທດຣັດເຊຍ ໂດຍມີ ວາຊິຣິ ວາຊິຣິເຢບ ຮອງອະທິການບໍດີເປັນຕົວແທນ ແລະ ຄາດວ່າອີກ ບໍ່ດົນເຮົາຄົງໄດ້ເຫັນຊ້າງແມມມອດຕົວເປັນໆ

Hwang woo suk (ຊ້າຍ) ແລະ Vasily Vasiliyev  (ຂວາ)

ລາຍງານຍັງບອກເພີມເຕີມວ່າ ເນື້ອເຫຍືອຂອງຊ້າງແມມມອດທີ່ໄດ້ຈາກຊາກແຊ່ແຂງ ຈະຖືກຖ່າຍໂອນລົງໄປເຊລໄຂ່ຂອງ ຂ້າງພັນອິນເດຍ ໂດຍເຊລໄຂ່ຂອງຊາກພັນອິນເດຍຈະຖືກປ່ຽນແທນດ້ວຍ DNA ຂອງຊ້າງແມມມອດ. ກອ່ນທີ່ຈະເອົາໄຂ່ ດັ່ງກ່າວໄປຝາກທ້ອງນໍາຊ້າງອີນເດຍທີ່ມີຄວາມພ້ອມໃນການຕັ້ງຄັນ ແລະ ຈະໃຊ້ເວລາໃນການຕັ້ງຄັນປະມານ 22 ເດືອນ ຖ້າເປັນໄປຕາມຄາດກໍ່ຈະໄດ້ລູດຊ້າງແມມມອດ ເຊິ່ງຈະຖືເປັນການປະຕິວັດວົງການວິທະຍາສາດດ້ານພັນທຸກຳຢ່າງໃຫຍ່ ຫລວງ

ແຫລ່ງຂ່າວ:

 http://www.huffingtonpost.co.uk/2012/03/13/woolly-mammoth-clone-russia-south-korea_n_1341430.html
            http://www.telegraph.co.uk/earth/wildlife/9139976/South-Korean-and-Russian-scientists-bid-to-clone-mammoth.html
            http://www.koreaherald.com/national/Detail.jsp?newsMLId=20120313001156

Tags: cloning, mammoth, korea, extinction, Hwang Woo-Suk, South Korea’s Sooam Biotech Research Foundation

Chrome 27 Beta ອອກມາແລ້ວ ໄວຂື້ນກວ່າເກົ່າ

Google ໄດ້ທຳການພັດທະນາ Chrome 27 Beta ອອກມາແລ້ວໂດຍມີຄວາມໄວໃນການດາວໂຫຼດໜ້າ ເວບເພີ່ມຂື້ນຈາກເມື່ອກ່ອນເຖິງ 5% ພາຍໃນ 1 ອາທິດ ທີ່ Chrome 26 ຖືກປ່ອຍອອກສູ່ສາທາລະນະຊົນຜູ້ທີ່ຊົມໃຊ້ອິນເຕີ ເນັດໄດ້ຊົມໃຊ້ກັນ, ທີມງານຂອງ Google ກໍ່ບໍ່ໄດ້ລໍຊ້າທີ່ຈະປ່ອຍ Chrome 27 Beta ອອກມາໃຫ້ທົດລອງໃຊ້ກັນອີກແລ້ວ.

Chrome 27 Beta ໄດ້ເພີ່ມຄວາມໃນການໂຫຼດໜ້າເວບໃຫ້ໄວຂື້ນ 5% ມີການເພີ່ມຊຸດຄຳສັ່ງໃນສ່ວນຂອງການສະແດງ ວັນ ແລະ ເວລາສຳລັບ HTML 5, ນອກຈາກນີ້ໃນ Chrome 27 Beta ຍັງເສີມໃນສ່ວນ Web Audio API ເພື່ອເພີ່ມປະສິດ ທິພາບໃນການເຮັດວຍກຮ່ວມກັບ Web Audio ແລະ WebRTC PeerConnection API ຫຼືການໃຊ້ບໍລິການ Sound Cloud ຢູ່ Windows ກັບ Mac ອີກຢ່າງນັ້ນກໍຄື File System API ທີ່ປະສານງານຮ່ວມກັບ Google Drive ໃນແບບ Offline ຊຶ່ງຈະຊ່ວຍບັນທຶກການເຮັດວຽກຕ່າງໆໃນ SandBox

ນອກຈາກນີ້ ຍັງມີສ່ວນຂອງ DevTools ທີ່ໄດ້ຮັບການປັບປຸງອີກເລັກນ້ອຍ ທັງນີ້ Chrome 27 Beta ຍັງເປັນເວີເຊີ້ນຂອງ ການທົດສອບການໃຊ້ງານ ຊຶ່ງອາດເຮັດໃຫ້ການໃຊ້ງານຍັງບໍ່ເຕັມ 100, ຖ້າຫາກໃຜຕ້ອງການທົດລອງໃຊ້ເບິ່ງ ກໍ່ສາມາດດາວ ໂຫຼດໄດ້ຕາມລິ້ງນີ້ໄດ້ເລີຍ

http://www.techspot.com/downloads/5070-google-chrome-for-windows.html


ແປ ແລະ ຮຽບຮຽງໂດຍ: ທ່ານ ສອນ

Brookesia micra ກະປອມສາຍພັນນ້ອຍທີ່ສຸດໃນໂລກ

brookesia micra ຖືໄດ້ວ່າເປັນກະປອມທີ່ມີຂະຫນາດນ້ອຍທີ່ສຸດໃນໂລກ ດ້ວຍຂະຫນາດລໍາຕົວທີ່ໃຫຍ່ເຕັມໄວແມ່ນບໍ່ເກີນ 3 ຊມເທົ່ານັ້ນ ຈົນສາມາດເກາະຢູ່ເທິງຫົວໄມ້ຂີດໄຟໄດ້

ກະປອມຊະນິດນີ້ຄົ້ນພົບໂດບທິມນັກວິທະຍາສາວຊາວເຢຍລະມັນ ແລະ ສະຫະລັດພ້ອມໆກັບກະປອມສາຍພັນຄ້າຍໆກັນ ອີກ 3 ຊະນິດບົນເກາະນ້ອຍແຫ່ງຫນື່ງນອກຊາຍຝັ່ງ ມາດາກັດກາ ເຊິ່ງເປັນສະຖານທີ່ມີຄວາມຫລາກຫລາຍດ້ານຊີວະນາ ພັນ ກະປອມຊະນິດນີ້ເມື່ອໃຫຍ່ສຸດຈະມີຄວາມຍາວພຽງແຕ່ 24 ຫາ 30 ມມ ເທົ່ານັ້ນ ເຮັດໃຫ້ມັນກາຍເປັນສັດເລືອຄານທີ່ ມີຂະຫນາດນ້ອຍທີ່ສຸດໃນໂລກ

ແຟຣງ ກໍຣ ຫົວຫນ້າທີມງານວິໃຈເປີດເຜີຍວ່າ ພວກເຂົາໄດ້ພົບມັນລີ້ຊ້ອນຕົວຢູ່ຕາມຮົ່ມໄມ້ໃນຕອນກາງຄືນ ແລະ ອອກຫາ ກິນໃນເວລາກາງເວັນ ທີມງານສາມາດຈັບກະປອມຊະນິດໄດ້ຢ່າງງ່າຍ ເພາະມັນຫລັບຈະບໍ່ເຄື່ອນທີ່ໄປໃສຕະຫລອດຄືນ

ດ້ວຍເຫດທີ່ພົບກະປອມເຫລົ່ານີ້ໃນພື້ນທີ່ຈຳກັດພຽງບໍ່ເທົາໃດຕາລາງກິໂລແມັດ ຜູ້ຊ່ຽວຊານເຊື່ອວ່າມັນມີຄວາມອ່ອນໄຫວ ກັບການປ່ຽນແປງຂອງທຳມະຊາດທີ່ຖືກທໍາລາຍ ແລະ ເປັນຫ່ວງຕໍ່ການສູນພັນຂອງພວກມັນ

ແຫລ່ງຂາວ:

www.thairath.co.th/content/oversea/239046
www.krobkruakao.com/.../เยอรมนี-เผยค้นพบกิ้งก่าเล็กที่สุดในโลก.html
http://board.postjung.com/602562.html
http://en.wikipedia.org/wiki/Brookesia_micra
http://www.dailymail.co.uk/sciencetech/article-2101040/Discovered-The-mini-meleon-smallest-reptiles-planet.html

ມາຮູ້ຈັກ Facebook home ສໍາລັບ ​​​Android ທີ່ກຳລັງຈະປ່ອຍອອກມາດີກວ່າ

Facebook home ກໍ່ຄື Launcher ຕົວຫນື່ງທີ່ທ່ານສາມາດດາວໂຫລດມາຕິດຕັ້ງແທນ Launcher ເກົ່າໃນໂທລະສັບແອນ ດອຍຂອງທ່ານ ເຊິ່ງໂດຍປົກກະຕິແລ້ວໂທລະສັບທຸກລຸ້ນຈະມີ Launcher ເປັນຂອງຕົນເອງ ແລະ ມີລັກສະນະການໃຊ້ງານ ຕ່າງກັນຕາມແຕ່ລະລຸ້ນ. ໂດຍ Facebook home ນີ້ຈະເປັນ Launcher ທີ່ເນັ້ນໄປທາງການໃຊ້ໂຊຊ້ຽວເນັດເວິກທີ່ກ່ຽວ ຂ້ອງກັບເຟສບຸກເຊັ່ນ: ຂໍ້ຄວາມແຊັດ, ການແຈ້ງເຕືອນ, ການໂພສສະຖານະຕ່າງໆເປັນຕົ້ນ ບໍລິການຕ່າງໆເຫລົ່ານີ້ຈະສະ ແດງຢູ່ຫນ້າ home screen ເລີຍຖ້າທ່ານຕິດຕັ້ງ Facebook home. ນອກຈາກນັ້ນທ່ານຍັງສາມາດປັບແຕ່ງໄອຄອນ ຕ່າງໆໄດ້ ຕາມຄວາມຕ້ອງການ. ເຟສບຸກຈະຮ່ວມກັບ HTC, Samsung ໃນການເອົາ Launcher ຕົວນີ້ເຂົ້າໄປໃນໂທລະ ສັບ ແລະ ຈະອອກວາງຂາຍໃນໄວໆນີ້. ແຕ່ຫາກທ່ານໃດຊື້ໂທລະສັບໄປແລ້ວທ່ານກໍ່ສາມາດຕັ້ງເຟສບຸກໂຮມນີ້ໄດ້ໃນ Googleplay ຂອງທ່ານໄດ້ ໂດຍໂທລະສັບຂອງທ່ານຕ້ອງໄດ້ຕິດຕັ້ງແອັບ ​​​Facebook ແລະ Facebook Massenger ເວີຊັ້ນລ່າສຸດໄວ້ແລ້ວຈິ່ງຈະສາມາດໃຊ້ໄດ້

ແຫລ່ງຂ່າວ: www.arip.co.th

Apple ເຈລະຈາ Yahoo ເພື່ອເພີມບໍລິການໃຫມ່ໆໃນ iOS

ເຫັນໄດ້ຢ່າງຊັດເຈນວ່າ Apple ເລີ່ມຈະລົດຄວາມສຳພັນກັບ Google ລົງເລື້ອຍໆເຫັນໄດ້ຈາກການເລີ່ມນຳໃຊ້ລະບົບແຜນ ທີ່ຂອງຕົນເອງເຖິງວ່າຍັງມີຄວາມແມັ້ນຢໍາບໍ່ສໍ່າ Google ກໍ່ຕາມ ແລະ ບໍລິການອື່ນກໍ່ເຊັ່ນກັນ Apple ເລີ່ມຫັນໄປໃຊ້ລະບົບ ທີ່ພັດທະນາດ້ວນໍຍຕົນເອງ ແລະ ຂອງຄ້າຍອື່ນແທນໃນນັ້ນກໍ່ແມ່ນ Yahoo ເຊິ່ງເປັນຜູ້ງານທີ່ສຳຄັນ ດັ່ງນັ້ນເຮົາຈະເຫັນບໍ ລິການຕ່າງໆຂອງ Yahoo ໃນ iOS ຫລາຍຂື້ນ ເຊັ່ນ: ການຄົ້ນຫາ, ເຊັກສະພາບພູມອາກາດຮ່ວມກັບຟີເຈີຂອງໄອໂຟນ ເຊັ່ນ: Siri ເປັນຕົ້ນ.

ເຖິງຢ່າງໃດກໍ່ດີ ການເຈລະຈານີ້ກໍ່ຍັງຢູ່ໃນຂັ້ນຕອນພິຈາລະນາ ແລະ ຍັງຕ້ອງສຶກສາລາຍລະອຽດປີກຍ່ອຍອີກຈໍານວນ ຫລາຍ ແລະ Apple ເອງກໍ່ຍັງມີສັນຍາເກົ່າຄ້າງກັບ Google ອີກຈໍານວນຫນື່ງ, ສະນັ້ນບໍລິການ Yahoo ໃນ iOS ຄົງຕ້ອງລໍຖ້າອີກໄລຍະຫນື່ງ ແຕ່ເປັນທີ່ແນ່ນອນແລ້ວວ່າ Apple ບໍ່ຕ້ອງການເພີ່ງ Google ຕະຫລອດໄປ

ແຫລ່ງຂ່າວ:www.arip.co.th]

ວິວັດທະນາການຂອງໄວຣັດສຸ່ສາຍພັນອັນຕະລາຍ

ຫລາຍທ່ານອາດຈະເຄີຍໄດ້ຍີນເລື່ອງໄວຣັດທີ່ອັນຕະລາຍເຖິງຊີວິດຂອງມະນຸດເຊັ່ນ: ໄວຣັດ HIV, ໄວຣັດຕັບ ແລະ ໄວຣັດ ອື່ນໆອີກ ແລະ ຍັງມີໄວຣັດຈໍານວນຫລາຍທີ່ບໍ່ເປັນອັນຕະລາຍປານໃດໃນປະຈຸບັນມີໄວຣັດປະມານ 5000 ຊະນິດຖືກບັນທຶກ ໄວ້. ແຕ່ທ່ານອາດບໍ່ຮູ້ວ່າໄວຣັດທີ່ບໍ່ທັນເປັນອັນຕະລາຍຕໍ່ມະນຸດເຊັ່ນ: ໄວຣັດໄຂ້ຫວັດນົກ, ແລມດາ ເປັນຕົ້ນໄວຣັດເຫລົ່ານີ້ສາ ມາດຂະຫຍາຍພັນ ແລະ ປັບຕົວເຊິ່ງສາມາດເປັນອັນຕະລາຍຕໍ່ມະນຸດໄດ້ ນັກວິທະຍາສາດຈາກມະຫາວິທະຍາໄລມິຊິແກນ ປະເທດອາເມລິກາ ໄດ້ສືກສາໄວຣັດທີ່ຊື່ວ່າ ແລມດາ ພົບວ່າມັນສາມາດປັບຕົວໃຫ້ມີວິທິໄຫມ່ໃນການໂຈມແບັດທີເຣຍຊະນິດ E.coli ຫລັງຈາກກາຍພັນໄປແລ້ວ 4 ຄັ້ງ, ເຊິ່ງໂດຍປົກກະຕິແລ້ວໄວຣັດແລມດາບໍ່ເປັນອັນຕະລາຍຕໍ່ຄົນ ແຕ່ຜົນຈາກການ ວິໄຈພົບວ່າມັນອາດຈະວິວັດທະນາການກາຍພັນຈົນສາມາດເປັນອັນຕະລາຍຕໍ່ມະນຸດໄດ້

ນີ້ເປັນເຫດຜົນວ່າເປັນຫຍັງໃນຫລາຍປະເທດຈິ່ງເປັນຫ່ວງເລື່ອງໄວຣັດໄຂ້ຫວັດນົກ, ນັກວິທະຍາສາດກຸ່ມນີ້ກ່າວວ່າການ ກາຍພັນຂອງໄວຣັດໄຂ້ວັດນົກພຽງ 5 ຄັ້ງ ກໍ່ເຮັດໃຫ້ໄວຣັດມີຄວາມແຕກຕ່າງຢ່າງຊັດເຈນກັບຕົວກ່ອນຫນ້າແລ້ວ, ແຕ່ເຖິງ ຢ່າງໃດກໍ່ດີການກາຍພັນຂອງໄວຣັດທີ່ເຖິງຂັ້ນຈະເປັນຕະລາຍຕໍ່ມະນຸດກໍ່ບໍ່ແມ່ນຂອງງ່າຍໆ ແລະ ຍັງຕ້ອງໃຊ້ເວລາອີກດົນ  ຫລື ອາດບໍ່ມີເລີຍ ແຕ່ຖ້າຫາກສະພາບແວດລ້ອມເອື້ອອຳນວຍມັນອາດຈະກາຍພັນໄວຂື້ນກໍ່ໄດ້

ລອງແລ້ວບໍ ​​"Ticker" ແອັບແຕ່ງຮູບແນວໃຫມ່

ທ່ານໃດທີ່ເຄີຍມັກຄໍາຂວັນກວນໆຈາກທ້າຍລົດສິບລໍ້,​ ລົດຕູ້ ຫລື ລົດຕ່າງໆ ບັດນີ້ແອັບດັ່ງກ່າວໄດ້ເປີດຕົວແລ້ວຊື່ວ່າ "ติ๊กเก้อ" ເຊິ່ງເປັນແອັບທີ່ພັດທະນາໂດຍຄົນໄທຍ (ຢາກໃຫ້ມີພາສາລາວເດ) ທ່ານສາມາດແຕ່ງຮູບຂອງທ່ານດ້ວຍຄໍາຂວັນ ກວນໆ ທີ່ມີຈຳນວນຫລາຍໃນແອັບ ແລະ ອາດຈະມີເພີ່ມຂື້ນເລື້ອຍໆໃນອະນາຄົດ, ທ່ານ ສາມາດແຕ່ງຈາກຮູບໃນກ້ອງ, ຫລື ຖ່າຍໃຫມ່ເລີຍກໍ່ໄດ້ ຈາກນັ້ນທ່ານສາມາດສົ່ງໃຫ້ຫມູ່ຂອງທ່ານຜ່ານ: Facebook, IG ແຕ່ຖ້າຢາກສົ່ງທາງ WhatApp ຫລື ທາງອື່ນທ່ານກໍ່ສາມາດເຊບລົງເຄື່ອງກ່ອນຄ່ອຍສົ່ງກໍ່ໄດ້

ຮອງຮັບທັງ : Ios ແລະ Android  (Ver 4.0 up)

ທ່ານສາມາດດາວໂຫລດແອັບດັ່ງກ່າວໄດ້ຟຣີໂດຍພີມຄໍາວ່າ: Ticker ຫລື "ติ๊กเก้อ" ທີ່ Appstore (Ios) 

ແລະ Googleplay (Android)

ລອງໂຫລດໄປໃຊ້ເບິ່ງເດີ 

ພົບຊາກປາວານບູຮານ ທີ່ບໍລິເວນຂວ້າໂລກໄຕ້

ນັກວິທະຍາສາດປະເທດອາເຈນຕີນ່າ ໄດ້ຄົ້ນພົບຊາກປາວານອາຍຸຫລາຍກວ່າ 45 ລ້ານປີ ເຊິ່ງເຊື່ອວ່າເປັນຊາກປາວານທີ່ ເກົ່າແກ່ທີ່ສຸດທີ່ເຄີຍຄົນພົບມາ ທີ່ເກາະ Marambio ຂອງປະເທດອາເຈນຕີນ່າທີ່ຢູ່ທາງຂວ້າໂລກໄຕ້. ຊາກໂບຮານດັ່ງກ່າວມີ ແຂ້ວ ແລະ ຄາງກະໄຕຢ່າງຊັດເຈນ ຈົນເຊື່ອໄດ້ວ່າເປັນບັນພະບູລຸດຂອງປາວານ ແລະ ໂລມາໃນປະຈຸບັນ ເຊີ່ງນັກວິທະຍາ ສາດດັ່ງກ່າວຫວັງວ່າການຄົ້ນພົບຄັ້ງນີ້ຈະຊ່ວຍໃຫ້ເຂົ້າໃຈວິວັດທະນາການຂອງປາວານໄດ້ດີຂື້ນ ໃນບໍລິເວນດັ່ງກ່າວຍັງໄດ້ ພົບຊາກຟອສຊີລຂອງໄດໂນເສົາ, ສັດເລືອຄານ ແລະ ກະດູກຂອງນົກແພນກິນຍັກອີກ

ທີ່ມາ: http://www.nsm.or.th

ແກະກ່ອງ Google glass ອຸປະກອນໄຮເທັກຈາກ ອ໊າກູ໋

ຫ່າງກາຍກັນໄປ ຫລາຍຊ່ວງປີໃຫມ່ລາວ ຊາມຊິເຊົາເມົາຄ້າງ..... ບົດຄວາມໃນບ໊ອກເລີຍຂາດຫາຍໄປຊ່ວງຫນື່ງແຕ່ແນວ ໃດກໍ່ຕາມຫລັງຈາກກັບມາແລ້ວ ຜູ້ຂຽນກໍ່ມີຂ່າວໄອທີມາໃຫ້ທ່ານອ່ານເພີນໆຕາມເຄີຍ

ຂ່າວນີ້ແມ່ນການເປີດໂຕຂອງ Google Glass ອຸປະກອນໄຮເທັກຂອງ ກູເກີ້ລ ເຊິ່ງຫລາຍອາດເຄີຍໄດ້ຍິນມາແນ່ແລ້ວກ່ຽວ ກັບອຸປະກອນນີ້: ອຸປະກອນດັ່ງກ່າວມີລັກສະນະຄືແວ່ນຕາສາມາດສວມໃສ່ໄດ້ ໂດຍຄວາມສາມາດຂອງມັນກໍ່ມີຕັ້ງແຕ່: ສົ່ງຂໍ້ຄວາມ, ຖ່າຍຮູບ, ວິດີໂອ, ບັນທຶກສຽງ, GPS ໂດຍການສັ່ງງານດ້ວຍສຽງ (ແຕ່ວ່າຄົງສັ່ງງານດ້ວຍພາສາລາວບໍ່ໄດ້) ແຕ່ເອົາມາໃສ່ໄວ້ໄປຮ້ານເບຍໄວ້ຖ່າຍສາວຄົງຊິຄັກພິລຶກ ບໍ່ຕ້ອງຂໍຖ່າຍເຫັນໃຜງາມສັ່ງຖ່າຍເລີຍ

ແກະກ່ອງເປັນແບບນີ້ລະ

ບາດນີ້ມາເບິ່ງສະເປັກລວມ:

- ຈໍສະແດງຜົນ 25​ ນິ້ວ (ຫມາຍຄວາມວ່າເວລາເບິ່ງຜ່ານແວ່ນຕາຈະເຮັດໃຫ້ຄືກັບວ່າເບິ່ງໂທລະທັດ ຈໍ 25 ນີ້ວຢູ່)

- ຖ່າຍວີດີໂອໄດ້ລະດັບ HD

- ຖ່າຍພາບໄດ້ 5 ລ້ານພິກເຊວ (ຫນ້ອຍກວ່າໂທລະສັບລຸ້ນ ລ້ານປາຍກີບອີກ)

- ຄວາມຈໍາ 16 GB

- ມີ Wi-Fi, Bluetooth

- ແບັດເຕີລີ: 1 ວັນ

- ລໍາໂພງນ້ອຍຕໍ່ກັບຫູແຕ່ດັງສໍ່າໃດອາກູ໋ບໍ່ບອກ

- ມີ Micro USB

- ລາຄາ: ແຕ່ນໆໆໆໆໆໆ

50.000 ບາດຖ້ວນ (ຊື້ຄໍາໄດ້ສອງບາດປາດໂທະ....)



ບາດນີ້ມາເບິ່ງວິດີໂອສາທິດລອງເບິ່ງວ່າຄັກສໍ່າໃດ..... ໃຜມີເງິນກະລອງໄປຫາຊື້ມາເບິ່ງ ແລ້ວມາບອກຜູ້ຂ້າແນ່ເດີວ່າເປັນ ແນວໃດ

ຂອບໃຈທີ່ສະຫລະເວລາມາອ່ານ
ໄປກ່ອນລະ ມື້ຫນ້າຈະມາຂຽນເລື່ອງລາວດີໃຫ້ເບິ່ງຕື່ມ

ສິ່ງທີ່ທ່ານອາດຍັງບໍ່ທັນຮຸ້.....ລະບົບສຸລິຍະຈັກກະວານ

ຫລາຍທ່ານອາດເຄີຍຮູ້ແລ້ວວ່າລະບົບສຸລິຍະຂອງເຮົານັ້ນຕັ້ງຢູ່ໃນກາແລັກຊີທາງຊ້າງເຜືອກໂດຍປະກອບດ້ວຍດາວ ເຄາະ 9 ດວງ: ດັ່ງນີ້ເຫັນໃນຮູບ

ຈາກຮູບຈະເຫັນໄດ້ວ່າໂລກເຮົາເປັນອັນດັບທີ່ສາມຈາກດວງຕາເວັນຮອງຈາກດາວພຸດ ແລະ ດາວສຸກ ນອກຈາກນີ້ຍັງມີບັນ ດາກຸ່ມອຸທະກະບາດ ແລະ ດາວເຄາະນ້ອຍຕ່າງໆຈຳນວນຫລວງຫລາຍຢູ່ລະຫວ່າງດາວເຄາະຕ່າງໆອີກ ທີ່ກ່າວມານີ້ເປັນ ປະເດັນລວມໆຍັງຫລາຍສີ່ງອີກທີ່ທ່ານອາດຍັງບໍ່ທັນຮູ້ວ່າ:
- ດວງອາທິດມີມວນສານເທົ່າກັບ 99,86 % ຂອງມວນສານທັງຫມົດຂອງລະບົບສຸລິຍະຫມາຍຄວາມວ່າດາວເຄາະທີ ເຫລືອທັງ 8 ດວງລວມກັນກັບບັນດາຝຸ່ນ, ອຸທະກະບາດ ແລະ ອື່ນລວມໃນລະບົບສຸລິຍະລວມເຂົ້າກັນຈະມີມວນສານພຽງ ແຕ່ 0,14 % !!!
- ແຮງສະຫນາມແມ່ເຫລັກຂອງດາວພະຫັດແມ່ນສູງຫລາຍມັນສາມາດແຜ່ລັງສີຄື່ນແມ່ເຫລັກ ນັບຕື້ໆວັດມາເຖິງໂລກໃນ ແຕ່ລະວັນ
- ວັດຖຸທີ່ປະກອບເປັນດວງຕາເວັນຂະຫນາດ ເທົ່າຫົວເຂັມມຸດສາມາດຂ້າຄົນໄດ້ໃນລັດສະຫມີ 160 ກມ
- 1 ປີຂອງດາວພູໂຕເທົ່າກັບ 248 ປີຂອງໂລກ ຫມາຍຄວາມວ່າດາວພູໂຕໃຊ້ເວລາເກືອບ 3 ສະຕະວັດ ໂຄຈອນອ້ອມດວງອາ ທິດ
- ດາວເສົາມີຄວາມຫນາແຫນ້ນຕໍ່າຫລາຍຖ້າທ່ານສາມາດວາງມັນໃນຊາມນໍ້າມັນຈະຟູ

ເອົາລະ ສໍ່ານີ້ກ່ອນ ມືຫນ້າມາຕໍ່ເລື່ອງໃຫມ່

ປີຣາມິດໃນຈີນ.....ເຂດພື້ນທີ່ຕ້ອງຫ້າມລັດຖະບານຈີນ ປິດສະໜາໂລກບູຮານ 4500 ປີ ທີ່ຍັງບໍ່ເປີດເຜີຍ

ເມື່ອເວົ້າເຖິງຄຳວ່າ “ປີຣາມິດ“ ຄົນ​ສ່ວນ​ຫຼາຍ​ຕ່າງ​ກໍ​ຕ້ອງ​ນຶກ​ເຖິງພາບຂອງ​ມະຫາ​ປີຣາມິດ​ໃນ​ປະ​ເທດ​ອີ​ຢິບ​ໃນ​ຍຸກອາຣິຍະ​ທຳ​ບູຮານ ປະມານ 1350 ປີ ກ່ອນ ຄ.ສ ແລະ ມີອີກຫຼາຍໆຄົນທີ່​ນຶກ​ເຖິງ​ໝູ່​ປີຣາມິດ​ຂອງ​ອານາຈັກ​ມາຍາ​ບູຮານ​ທີ່​ມີ​ອາຍຸ 500 ປີ ກ່ອນ ຄ.ສ ​ໃນ​ປະ​ເທດ​ແມ໊ກຊີ​ໂກ ​ແລະ ​ແນ່ນອນ​ວ່າ​ມີ​ອີກ​ຫຼາຍ​ທ່ານ​ທີ່​ຍັງ​ບໍ່​ຮູ້​ວ່າມີ​ປີຣາມິດ​ໃນ​ທະວີບອາຊີ​ນັ້ນ​ກໍ​ຄື “ປີຣາມິດ​ໃນ​ປະ​ເທດ​ຈີນ” ທີ່​ຄາດ​ວ່າ​ມີ​ອາຍຸ​ເກົ່າ​ແກ່​ປະມານ 2400 ປີ ກ່ອນ ຄ.ສ. ​ເຊິ່ງ​ເລື່ອງ​ນີ້​ມັນ​ເປັນ​ມາ​ແນວ​ໃດ​ນັ້ນ ຫຼາຍ​ຄົນຄົງ​ຈະ​ສົງ​ໃສ?

                 ພາບຖ່າຍທາງອາດ ສະແດງກຸ່ມຂອງປີຣາມີດໃນຈີນ

ໃນຊ່ວງທີ່ “Hartwig Hausdort” ນັກ​ສຳ​ລວດ​ຊາວ​ເຢຍລະ​ມັນ ຊຶ່ງ​ໄປ​ທ່ອງ​ທ່ຽວ​ໃນ​ຈີນ​ແຜ່ນດິນ​ໃຫຍ່​ໃນ​ຊ່ວງ​ປີ 1994 ດ້ວຍ​ຄວາມ​ບັງ​ເອີນ​ ຫຼື ຈົງ​ໃຈ​ກໍ​ບໍ່​ຮູ້ ລາວ​ໄດ້​ລັກ​ຍ່າງ​ຍ່ອງໆ​ເຂົ້າ​ໄປສຳ​ລວດ​ໃນ​ບໍລິ​ເວນ​ພື້ນ​ທີ່​ຕ້ອງ​ຫ້າມ​ຂອງ​ລັດຖະບານ​ຈີນໃນມົນທົນຊານ​ຊີ ​ແລະ Hausdorf ​ໄດ້​ຖ່າຍ​ພາບ​ຂອງ​ໝູ່​ຊາກ​ບູຮານສະຖານ​ຂະໜາດ​ ໃຫຍ່​ບາງ​ຢ່າງ​ອອກ​ມາ​,ໃນ​ພາບ​ເປັນ​ລັກສະນະ​ເນີນ​ດິນ​ຂະໜາດ​ໃຫຍ່​ຊົງ​ສີ່​ຫຼ່ຽມທີ່​ສາມາດ​ເບີ່​ງ​ເຫັນ​​ເຖິງ​ຮູບຊົງ​ຫຼ່ຽມທີ່​ມີ​ມູມສາກ 4 ດ້ານ ຍ່າງ​ຊັດ​ເຈນ ​ແລະ ພາບ​ຖ່າຍ​ຂອງ​ກຸ່ມ​ບູຮານ​ສະຖານ​ພວກ​ນີ້​ເຮັດ​ໃຫ້ Hausdorf ​​ເຖິງ​ກັບ​ຕະລຶງ…​ແນ່ນອນ​ໃຜ​ລະ​ຈະ​ເຊື່ອ​ວ່າ​ໃນ​ຈີນ​ແຜ່ນດິນ​ໃຫຍ່​ຈະ​ມີ “ປີຣາມິດ” ຢູ່​ເປັນ​ຈຳນວນ​ຫຼວງ​ຫຼາຍ​ຕັ້ງ ຕຣະຫງ່າຢູ່​ທ່າມກາງ​ພື້ນທີ່ກະສິກຳ​ແບບ​ນີ້.

ພາບ: ປິລະມິດທ່າມກາງພື້ນທີ່ກະສິກຳ

ປີຣາມິດ​ແຫ່ງ​ນີ້ ມີ​ຄວາມ​ສຳພັນ​ແນວ​ໃດ​ກັບ​ປີຣາມິດ​ໃນ​ພື້ນ​ທີ່​ອື່ນ ​ຫຼື​ ບໍ່?

Hausdorf​ ​ໄດ້​ຂຽນ​ໃນ​ໜັງສື​ຂອງ​ລາວ ຊື່​ງພິມ​ອອກ​ມາ​ຈຳໜ່າຍ​ໃນ​ພາຍຫຼັງ​ວ່າປີຣາມິດ​ຫຼວງ​ຫຼາຍ​ເຫຼົ່າ​ນີ້​ມີ​ ອາຍຸ​ຫຼາຍ​ກ່ວາ 4500 ປີ ຂື້ນ​ໄປ​ຢ່າງ​ບໍ່​ຕ້ອງ​ສົງ​ໃສປີຣາມິດ​ສ່ວນ​ໃຫຍ່​ຖືກ​ສ້າງ​ຂື້ນ​ມາ​ຈາກ​ດິນ​ໜຽວ​ຊຶ່ງ​ແຂງ​ ແກ່ນ​ຄື​ກັບ​ຫີນ​ທີ່​ມີ​ຢູ່​ສ່ວນ​ໜື່ງຊື່​ງ​ເສຍ​ຫາຍ​ໄປ ຄາດ​ວ່າ​ເກີດ​ການ​ກັດ​ເຊາະ ຫຼື ພັງ​ທະລາ​ຍຕາມ​ທຳ​ມະ​ຊາດ ​ແລະ ກໍ​ມີ​ອີກ​ສ່ວນ​ໜື່ງ​ເຊັ່ນ​ກັນ​ທີ່​ເສຍ​ຫາຍ​ໄປ​ຍ້ອນ​ນ້ຳມື​ຂອງ​ມະນຸດ ​ແຫມ…ກໍ​ມັນ​ດັນ​ໄປ​ຕັ້ງ​ຢູ່​ໃນ​ພື້ນ​ທີ່​ກະສິກຳ ​ເຊິ່ງ​ເກະ​ກະ​ກີດຂວາງ​ແບບ​ນີ້ພວກ​ເຂົາ​ຈະ​ເອົາ​ໄວ້​ເຮັດ​ຫຍັງ.

ປີຣາມິດ​ບາງ​ຫຼັງ​ມີ​ຂະໜາດ​ໃຫຍ່​ພໍໆ​ກັບ​ປີຣາມິດ​ໃນ​ເມືອງ​ ຕິ​ໂອ​ຕິ​ຮົວກັນ​ ຂອງ​ຊາວ​ອິນ​ຄາ ປີຣາມິດ​ ເກືອບ​ທຸກ​ຫຼັງ​ມີ​ການ​ຕໍ່​ເຕີມ​ວິຫານ​ນ້ອຍໆ​ເອົາ​ໄວ້​ເທິງ​ຢອດ​ນຳ ​ເຮັດ​ໃຫ້​ນັກ​ບູຮານ​ວັນນະ​ຄະດີ​ອົດ​ບໍ່​ໄດ້​ວ່າ: ​ແມ່ນ​ໃຜ​ນໍ​ທີ່​ມາ​ສ້າງ​ປີຣາມິດ​ເຫຼົ່າ​ນີ້​ເອົາ​ໄວ້ ​ແລະ ມັນ​ມີ​ຄວາມ​ສຳພັນ​ແນວ​ໃດ​ກັບ​ປີຣາມິດ​ໃນ​ພື້ນ​ທີ່​ອື່ນ​ ຫຼື ​ບໍ່? ຖ້າ​ປີຣາມິດ​ເຫຼົ່າ​ນີ້​ຕັ້ງ​ຢູ່​ໃນ​ໂລກ​ເສລີ​ກໍ​ຄົງ​ຈະ​ດີ​ ຢ່າງ​ນ້ອຍ​ກໍ່​ພໍ​ໄປ​ຢ້ຽມ​ຊົມ​ສຶກສາ​ໄດ້ແຕ່​ນີ້​ມັນ​ດັນ​ມາ​ຕັ້ງ​ຢູ່​ ຫຼັງ​ມ່ານ​ໄມ້​ໄຜ່​ຢ່າງ​ຈີນ, ທຸກ​ສິ່ງ​ທຸກ​ຢ່າງ​ກໍ​ເລຍ​ງຽບ​ເຫງົາ​ປ່ອຍ​ໃຫ້​ເປັນ​ເລື່ອງ​ທີ່​ສົນ​ໃຈ​ໄປ​ທົ່ວ​ໂລກ ​ແລະ ຫຼັງ​ຈາກ​ທີ່​ນັກ​ບູຮານ​ວັນນະ​ຄະດີທົ່ວ​ໂລກ ​ໃນ​ຊ່ວງ​ປີ ຄ.ສ 2000 ສົນ​ໃຈ​ທີ່​ຈະ​ຂໍ​ເຂົ້າໄປ​ສຶກສາ​ໂຄງ​ສ້າງ​ດັ່ງກ່າວ ກໍ​ໄດ້​ຮັບ​ການ​ປະຕິ​ເສດ​ຈາກ​ທາງ​ລັດຖະບານ​ຈີນ…​ແລະ ກໍ​ໄດ້​ຮັບ​ຂໍ້​ມູນ​ແຈ້ງ​ມາ​ວ່າ​ທີ​ມສຳ​ລວດ​ທາງ​ບູຮານ​ ວັນນະຄະດີ​ຂອງ​ຈີນ​ໄດ້​ເຂົ້າ​ໄປ​ເຮັດ​ການ​ສຳ​ລວດ​ມາ​ກ່ອນ​ໜ້າ​ນີ້​ແລ້ວ​ຊື່​ງຈຸດ​ນີ້​ໃນ​ປັດຈຸບັນ​ລັດຖະບານ​ຈີນ​ໂດຍ​ສຳນັກງານ​ບູຮານ​ວັນນະຄະ​ດີ​ແຫ່ງ​ຊາດ​ໄດ້​ອອກ​ມາ​ຖະ​ແຫຼ​ງການຕໍ່ສາທາລະນະ​ວ່າ “ຖ້າ​ຫາກ​ຍັງ​ບໍ່​ສາມາດ​ມີ​ເທັກ​ໂນ​ ໂລ​ຢີທີ່​ທັນ​ສະ​ໄໝ ຫຼື ​ເທັກ​ໂນ​ໂລ​ຢີທີ່​ໝັ້ນ​ໃຈ​ວ່າ​ຈະ​ສາມາດ​ຮັກສາ​ສັບ​ສົມບັດ, ພາບ​ຂຽນ ລວມ​ເຖິງບູຮານ ​ວັດຖຸ​ພາຍ​ໃນ​ໄດ້ ກໍ​ຈະ​ຍັງ​ບໍ່​ສາມາດ​ເປີດ​ໃຫ້​ປີຣາມິດ​ເພື່ອ​ພິສູດ​ໂຄງ​ສ່າ​ງພາຍ​ໃນ”

ຮູບຈໍາລອງໂຄງສ້າງຂອງປິຣະມິດ

​ໃນ​ປັດຈຸບັນ​ທາງ​ການ​ຈີນ​ໄດ້​ເລີ່​ມ​ເຂົ້າ​ໄປ​ສຳ​ລວດ​ອີກ​ຄັ້ງ​ນັບ​ແຕ່​ປີ 2000 ທີ່​ຜ່ານ​ມາ, ​ແຕ່​ກໍ​ຍັງ​ບໍ່​ມີ​ການ​ ເປີດ​ເຜີຍ​ຂໍ້​ມູນ​ທາງ​ດ້ານ​ບູຮານ​ວັນນະຄະດີ, ວິທະຍາສາດ​ແຕ່​ຢ່າງ​ໃດ. ຫຼາຍໆ​ຄົນ​ຄົງ​ຕັ້ງ​ຄຳ​ຖາມ​ວ່າ…ຕົກລົງ ​ປີຣາມິດ​ທີ່​ບາງ​ຄົນ​ວ່າ​ຄື “ຮວງ​ຊຸຍ” ບາ​ງທີ​ກໍ​ວ່າ “​ເປັນ​ອາຣິຍະ​ທຳ​ຕ່າງ​ດ້າວ” ​ແລະ ຫຼາຍໆ​ຄຳ​ຕອບ…ຕອນ​ນີ້​ກໍ​ ຍັງ​ຄົງ​ຖືກ​ພັບ​ເກັບ​ເປັນຄວາມ​ລັບ​ຂອງ​ລັດຖະບານ​ຈີນ​ຕໍ່​ໄປ.